باژێرڤانییا ئاكرێ و رێكخراوێن ژینگه‌هپارێز كار ل سه‌ر پاقژكرنا جهێن گه‌شت و گۆزارى و شوونواری یێن ده‌ڤه‌را ئاكرێ دكه‌ن، زێره‌ڤان ته‌مۆ په‌یڤدارێ باژێرڤانییا ئاكرێ بۆ خانی نیوز راگه‌هاند: د هه‌وه‌كا پاقژكرنێ دا وان كۆمه‌كا مه‌زن یا گلێش و پاشمایێن خه‌لكى ل سه‌ر كه‌لها ئاكرێ راكرن و سیمایێ وێ كه‌لهێ جوانتر كرن.
ناڤهاتى گۆت ژى: ئه‌و داخوازێ ژ گه‌شتییاران دكه‌ن كو ل گه‌ل وان هاریكار بن و ژینگه‌ها وێ كه‌لهێ ب پارێزن.
په‌یڤدارێ باژێرڤانییا ئاكرێ دیاركرن ژى: ئه‌و ب هه‌ما هه‌نگى هژماره‌كا رێكخراوێن ژینگه‌هپارێز یێن وێ ده‌ڤه‌رێ كاردكه‌ن بۆ پاراستنا ژینگه‌هـ و جوانییا جهێن گه‌شت و گۆزار یێن ده‌ڤه‌را ئاكرێ.
ژلایێ خۆڤه حازم عەلی، بەرپرسێ رێکخراوا وار بۆ پاراستنا ژینگەھێ لقێ ئاکرێ بۆ خانی نیوز راگەھاند: ھەوێن پاقژکرنێ ژ ئالیێ خۆبەخشان دبنە پێنگاڤێن باش ژبۆ ب کلتورکرنا ژینگەهـ پارێزیێ تایبەت ئەگەر ھەماھه‌نگ بن دگەل ئالیێن حکومی.
کەلھا ئاکرێ جھەکێ شونواری و گەشت و گوزارییە ل ئاکرێ و رۆژانە ھژمارەکا زۆر وەڵاتی و گەشتیار سەرەدانا وێ دکەن.
خانى نیوز، ره‌مه‌زان هه‌رنى
