رێكخراوا ئاشتی یا جیھانی ل بەرە رۆژا پێنچ شەمبی رێکەفتی ٢١/١/٢٠٢١ دەمژمێر دەھی سپێدێ ل ھۆلا کۆنفرەنسان ب ئامادەبوونا پارێزگەرێ دھۆکێ و وەزیرێ ساخلەمیێ و ھەموو رێڤەبهرێن دام و دەزگەھێن کارگێری وان کارمەندان خەلات بکەن یێن کو دماوێ قەدەغەیا ھاتن و چوونێ دا زەحمەت بری ب خەلاتێ ئاشتیێ یێ جیھانی بھێنە خەلاتکرن.
ل گۆرى زانیاریێن خانى نیوز وێ رێکخراوێ دێ کارمەندێن کەرتێ ساخلەمیێ و هێزێن ئێمناهیێ وەکو پۆلیسان خەلات کەت.
مقەدم حەسەن نازم حەسەن بەرپرسێ پشکا ئامارێ و دوڤچوونێ ل رێڤەبەریا ھاتن و چوونا پارێزگەھا دھۆکێ بۆ خانی نیوز گۆت: ژبەرکو دەمێ قەدەغەیا ھاتن و چوونێ دا ئەم د ئەرکێ خوە دا بووین و مە زەحمەتەکا مەزن ژبۆ پاراستن و ساخلەمییا گیانێ خەلکی بر، لەورا رێکخراوا ئاشتی یا جیھانی ژ رێڤەبەرییا ھاتن و چوونا پارێزگەھا دھۆکێ ئەز ھەلبژارتیمە و دیسان ژ رێڤەبەریا پولیسێن دھۆکێ ژى (راید عەبدولحەمید) ھەلبژارتییە كو ل وێ رۆژێ ب ھینە خەلاتکرن.
خانی نیۆز، ھەرھین محەمەد
