ژ ئەگەرێ نەبوونا خزمەتگوزاریان ل جادە و کۆلانێن فرقێ کو بێک دھێن ژ چەند تاخەکان ژ وانان (تاخێ چرا، تاخێ رزگاری، تاخێ ریفراندۆم..ھتد)
ھاشم مەحموود موختارێ تاخێ چرا دبێژیت: ٢١ مالێن زێدهگاڤى خانیێن خوە راکرینە و حکومەتێ پارچە زەڤی ل سەر دابەشکرینە، لێ وان سەنەدێن خوە وەرنەگرتینە و بەشەک ژی ل سەر بریارێن حکومەتێ د رازی نینن و داخازدکەن حکومەت وان مالان رازی بکەت و جادە و كۆلانێن وان دروستبکەن.
ژبۆ ڤێ پرسێ مە سەرەدانا سەرۆکێ باژێرڤانیا زاخۆ، وەلات سەعدی کر، وى دیاركر: کو ئەو جادە د پلانا وان دایە بھێنە دروستکرن و وان سەرەدنا وان گەرەکان کریە، ئەگەر خەلک زێدەگاڤییان راکەن بێی كو داخازا قهرەبوویێ بكهن، ئەو دێ جادەیێن وان کەنە د پرۆژێ خوەدا کو بھێنە بجھئینان.
خانى نیوز، دیار شکری
