وهلاتیهكێ خەلکێ باژێرێ سەولاوا كو سزایێ سێدارێ سەر سەپاندبوو، ل سپێدههیا ئهڤرۆ ژلایێ دەزگههێ دادوەریا ئێرانێ ل زیندانا سنه هاته سێدارهدان.
ل دووڤ دهنگ و باسێن رێكخراوا هەنگاو بۆ مافێن مرۆڤى، ئەڤرۆ دووشەمبى ١٨-١-٢٠٢١ زیندانیهكێ کورد ب ناڤێ (فاتێح قادری) یێ ٤٦ سالی کو رۆژا پێنجشەمبى هاتبوو ڤهگوهاستن بۆ ژورا تاکەکەسی، ل زیندانا ناڤەندییا سنە هاته سێدارهدان.
فاتێح قادری خێزانداره و خەلکێ گوندێ (دەلی) یا سەر ب باژێرێ (سەولاوا)یە، نزیكى سێ سالان بهرى نوكه ب تاوانا کوشتنا بێ دهستى کەسهک ب ناڤێ “ناسیح” كوشتبوو و ب وێ ئهگهرێ ژى سزایێ سێدارێ ب سەر هاتبوو سهپاندن.
پشتبەستن ب ئامارێن توماركرى ل ناڤەندا ئامارا ڕێکخراوا هەنگاو بۆ مافێن مرۆڤی، د ماوێ ١٠ مههێن بوری دا ب كێمى سزایێ سێدارێ ب سهر ١٣ وهلاتیێن کورد ل زیندانا ناڤەندییا سنه هاتییه بجهئینان.
