ههردوو وهزارهتێن كارهبا حكومهتا ههرێما كوردستانێ و حكومهتا ئیراقێ، بۆ مهرهما چارهسهركرنا ئاریشێن كارهبێ ل دهڤهرێن كوردستانێ یێن ژ دهرڤهیى ئیدارا ههرێما كوردستانێ كۆمبووینه.
ئهڤرۆ دوشهمبى 18-1-2021ێ ئهندازیار كهمال محهمهد سالح وهزیرێ كارهبا حكومهتا ههرێما كوردستانێ دگهل ئهندازیار زێدان خهلهف بریكارێ وهزارهتا كارهبا ئیراقێ كۆمبووینه و د وێ كومبوونێ دا كو بهرپرسێن پهیوهندیدار ب سێكتهرێ دابهشكرنا كارهبایا ههردوو وهزارهتان ئامادهببوون، بهحسێ پهیوهندیێن د ناڤبهرا وهزارهتا كارهبا حكومهتا ههرێما كوردستانێ و وهزارهتا كارهبا ئیراقێ دا هاته كرن.
د تهوهرهكێ دی یێ كۆمبوونێ دا دوپاتى ل سهر چارهسهركرنا تهمام یا گرفتان و ئاریشێن كارهبا وان دهڤهرێن ناكۆكى ل سهر هاتهكرن.
ئهندازیار كهمال محهمهد سالح داخواز ژ شاندێ كارهبا حكومهتا ئیراقێ كر، زێدهتر خزمهتا وهلاتیێن دهرڤهیى ئیدارا ههرێما كوردستانێ بكهن، و ئاماژه ب وێ چهندێ ژى دا كو ئهركێ گههاندنا خزمهتگوزاریێن كارهبێ بۆ وهلاتیێن وان دهڤهران ل سهر ملێن ههردوو حكومهتانه.
