بەرپرسێ لقێ ٣ یێ پارتیا دیموکراتا کوردستانێ ل کەرکووکێ ل دۆر ناڤێن دەنگدەرێن کەرکووکێ دبێژیت: کۆمسیۆنا بلندا یا هەلبژارتنێن ئیراقێ بخۆ کراسەکێ تەکنیکی دروستکریە و ب ھێجەتا ھندێ دەنگێن کوردان ل کەرکووکێ کێم دکەت.
دکتۆر موحەمەد خورشید بەرپرسێ لقێ ٣ یێ پارتی ل کەرکووکێ بۆ خانی نیوز دیار دکەت: کۆمسیۆنا بلندا ھەلبژارتنان چەندین کێشە و گرفت بۆ دەنگدەرێن کورد ل کەرکوکێ دروستکرینە و ب ھێجەتا کێشەیێن تەکنیکی، دەنگدەرێن کورد ل کەرکووکێ کێم دکەت و ھەر رۆژ بھانەیەکێ دەردکەت ھەتا کو دەمێ دیارکری یێ تورمارکرن بایۆمەتریێ ب دووماھی بھێت.
بەرپرسێ لقێ ٣ یێ پارتى ئاماژە ب ھندێ ژی کر کو رێڤەبەرییا ئاھێن خوارنێ ل کەرکووکێ پسولەیێن خوارنێ ژ تاخێن کوردان وەرگرتینە ب ھێجەتا گھورینێ و ھەتا نھا نەزڤراندینە، ئەڤەژی ئێک ژ کاغەزێن شەرینە ل گەل دەنگدەرێن کورد دھێتە کرن.
دکتور محەمەد ل سەر رەوشا کەرکووکێ دبێژیت: ل سەر دەمێ رژێما بەعس کەرکووک و کوردێن کەرکووکێ نەگەھشتبوونە ئەڤی ئاستێ بێ زاریێ.
ل دوماھیێ بەرپرسێ لقێ ٣ یێ پارتی ل کەرکووکێ دیارکر کو پارتی ب رێکا حکومەتا ھەرێما کوردستانێ ھەموو بزاڤان دکەت بۆ ھندێ ئەو رەوشا عەسکەرتاریا کەرکووکێ ب دووماھی بینن و کوردێن ئەڤێ پارێزگەھێ ژى ژ دەستێن گروپێن حەشدا شیعی بینیتە دەر، سەرەرایی ھەموو ئاستەنگان کانێ چەوا پێشتر پارتی باج دایە بۆ ھندێ کوردستانیبوونا کەرکوکێ یا پاراستی بیت، نوکەژى یا بەردەوامە ل سەر ئەوێ چەندێ.
بەرپرسێ لقێ ٣ یێ پارتی: پارتی باجا کوردستانیبوونا کەرکووکێ دایە و دێ یا بەردەوام بیت
کۆمسیۆنا بلندا ھەلبژراتنان ب ھێجەتا کێشەیێن تەکنیکی کێشەیێن مەزن بۆ دەنگدەرێن کورد دروست دکەت
