پرۆژەیەک بۆ ڤەدیتنا دەرفەتێن کاری د ناڤبەرا زانکۆیا پۆلیتەکینک یا دھۆکێ و کۆلیژا ھلزبرۆیا ئەمریکی ھاتییە بجھئینان.
پرۆژەیێ دناڤبەرا گروپەکێ قوتابیێن زانکۆیا پۆلی تەکنیکی یا دھۆکێ و ھژمارەکا قوتابێن زانکۆیا ناڤبری ھاتە رێکخستن ژبۆ مەرەما پێشڤەبرنا کارێ بازرگانی کو خەلک بشێن زێدەتر دەرفەتێن کاری بۆ خۆە ببینن ب تایبەت ژی بۆ ئاوارە و پەنابەران.
مامۆستا (محەمەد عەبد‌ولقادر) سەرپەرشتیارێ ڤی پرو‌ژەی بۆ خانی نیوز گۆت: ئەڤ پرۆژەیە د ناڤبەرا وەلاتێ ئیراق و ئوردن و ئەمریکا دا بوویە، ھەروەسا ئەو قوتابیێن پشکداری کرین و رێزێن ئێکێ ب دەست خۆەڤە ئیناین باوەرنامە ل سەر وان ھاتنە دابەشکرن.
ناڤھاتی ئاماژە ب وێ چەندێ ژی کر: نێزیکی ٣٥٠ قوتابییان ژ ٧٠ زانکۆیان پشکداری دڤی پرۆژەی دا کربوون، ژ وان ژی ١٤ قوتابی یێن زانکۆیا پۆلیتەکنیکییا دھۆکێ بوون.
ئێک ژ قوتابیێن سەرکەفتی ژی ب ناڤێ (رۆژین جاسم) دیارکر: وان گەلەک مفا ژڤی پرۆژەی دیتییە ب تایبەت دێ پاشەرۆژێ مفایەک باش ب رێکا ڤی پرۆژەی بینین و کارێن باش ئەنجامدەن.
قوتابیەکا دی ب ناڤێ (ژڤین سەعید) گوت: ئەو دخازن ئەڤ جۆرە پرۆژەیە بەردەوامی ھەبن، ژبەرکو ئاستێ وان ب ڤێ رێکێ دێ باشتر پێشکەفیت و زایناریێن وان ژی دێ زێدەتر لێ ھێن.
خانی نیوز، عەبدولا تەھا
