پ.د مسلەح دھێک سەرۆکێ زانکۆیا دھۆکێ بۆ خانی نیوز راگەھاند: ژبەر ڤێ رەوشا ئابورییا تەخا مامۆستایان کەفتییە تێدا، وان بریاردا ھاریکارییا وان مامۆستایان بکەن کو ب شێوازێ پارالێل ل کۆلیژا پەروەردەیا بنیات ل زانکۆیا دھۆکێ دخوینن.
سەرۆکێ زانکۆیا دھۆکێ ل دۆر وێ بریارێ ژی گۆت: ئەو مامۆستایێن ب شێوازێ پارالێل قوتابیێن پشکێن کۆلیژا پەروەردەیا بنیاتێنە سالانە ٦٠٠ ھزار دیناران ددەن، لێ وان رەوشا نوکە ل بەرچاڤ وەرگرتییە و ١٠٠ ھزار دینار ژ وی کۆژمەی کێمکریە و نوکە ئەو دێ سالانە ٥٠٠ ھزار دیناران دەن.
ھەژی گۆتنێ یە مامۆستایێن سەر ب وەزارەتا پەروەردێ دشێن ل ٩ پشکێن کۆلیژا پەروەردەیا بنیاتێ ل زانکۆیا دھۆکێ بخوینن، نوکە ژی نزیکی ٥٠٠ مامۆستایێن سەر ب وەزارەتا پەروەردێ ل وێ کۆلیژێ قوتابینە و ھەتا نوکە ژی ١١٥٣ مامۆستایان ل وێ کۆلیژێ دەرچووینە.
خانی نیوز، سالار دۆسکی
