ل دووڤ راگەهاندنا سەرۆکاتییا هەرێما کوردستانێ، ئێڤارییا ئەڤرۆ چوار شەمبی 20-1-2021 نێچیرڤان بارزانى سەرۆکێ هەرێما کوردستانێ پەیوەندییەکا تەلەفوونی ل گەل مەزلوم عەبدى ئەنجامدایە و ب ئەگەرێ وەغەرا دوووماهییا دەیکا وى، سەرەخۆشی و هەڤخەمییا خۆ ئاراستەى وى کرینە.
راگەهاندنا سەرۆکاتییا هەرێمێ دیارکریە ژى: سەرەراى دەربرینا هەڤخەمى و هەڤسۆزیا خۆ، سەرۆکێ هەرێما کوردستانێ هیڤیخواستن خودایێ مەزن گیانێ دەیکا وى ب بەر دلۆڤانى و بەهشتا خۆ شاد بکەت و سەبر و هەدارێ بدەتە وان.
ل دووڤ وێ راگەهاندنێ، مەزلوم عەبدى سوپاسییا خۆ و مالباتا خۆ ئاراستەى سەرۆک نێچیرڤان بارزانى و هەڤخەمییا وى کرینە.
