بەرپرسێ دەزگههێ ھەلبژارتنێن پارتییا دیموکراتا کوردستانێ دبێژیت: بۆ ھەلبژارتنێن بهێن یێن جڤاتا نوونەرێن ئیراقێ، پارتی دێ ھەموو رێکاران ئێخیتە کاری بۆ ھندێ پارتی ھەر پێشەنگ بیت ل ئیراقێ.
خسرۆ گوران، بەرپرسێ دەزگەھێ ھەلبژارتنان یێ پارتییا دیموکراتا کوردستانێ بۆ خانی نیوز دیارکر، ھەلبژارتن بوو ١٠-١٠ ٢٠٢١ ھاتینە پاشخستن و دەمەکێ باش ل بەر سینگێ وایه کو کارێن خوە باشتر رێکبێخین.
خسرۆ گوران ئاماژە کر، پارتی پشتی سەرھلدانێ پێشەنگ بوویە د ھەلبژارتنان دا و دێ ب ھەموو شیوەیەکی بەرھەڤیێن خوە کەن بوو ھندێ ھەر پارتی ل سەر ئاستێ ئیراقێ ل پێشیێ بیت.
ل دۆر ھەلبژارتنێن جڤاتێن پارێزگەھان ژی ل گەل یێن جڤاتا نوونەران خسرۆ گوارن دیارکر: ئێک ژ پشنیازان ئەوه پێكڤه بهێن كرن، لێ ههكه ھات و بریار ھاتە دان کو ھەلبژارتن پێکڤە بن ئەو بریارە کوردستانێ ڤەناگریت.
ناڤبری ئەو چەندە ژی ئاشکەرا کر کو ل سەر گلەیێن ھەبوونا چەندین گرفت و کێشەیێن دەنگدەرێن کوردان ل ھەرسێ پارێزگەھێن دیالا، کەرکووک و نەینەوا، پارتی ب ھەموو ھێزڤە کار دکەت بۆ چارەکرنا وان و ب ھیڤی نە جڤاتا بلند یا کومسیاران ئەڤی بابەتی ب رێکێن قانوونی ب داوى بینیت.
