رێڤەبەرێ سامانێن ئاژەلی ل پارێزگەھا دھۆکێ راگه‌هاند؛ بڕیاربوو 4 کارگەھێن ھێکان ل قەزا سێملێ بھێنە دانان، لێ ھەتا نھا بۆ ئێک کارگەهـ مولەت ھاتیە دان دەست ب کاری بکەت مامەلێن ھەرسێ کارگەھێن دی ب رێڤەنە و دھێنە چێکرن.
رێدیر سدقی شەریف، رێڤەبەرێ سامانێن ئاژەلی بۆ خانیی نیوز گۆت: ئەو کارگەھێن نوکە دھێنە دروستکرن ژ 2 ھۆلێن مەزن پێکھاتیە كو 150 ھزار مریشک بچنە تێڤە و بەرھەمێ وان یێ رۆژانە ژی دێ 350 کارتۆنێن ھێکا بەرھەم ئینن نها دقوناغێن دووماھیێ دایە و ژڤانە ل مەھا 6 دەست بکارببن.
رێدیر سدقی دیار ژی كر، ب ڤەبوونا کارگەھێن ناڤخۆ ھێکا بیانی ناھێتە دبازارێ ھەرێمێ دا و دیسان بریارا حکومەتا ھەرێما کوردستانێ بخوە یە ژی کو ھێکا بیانی نەھێتە دبازارێ دھۆکێ دا و تا رادەکی ھێکا خۆمالی جھێ خوە بازاری دا کریە ھێکا بیانی ژی کێم بوویە بتنێ ھندەک رێکێن قەچاخ نەبن و ھەروەسا دبیتە ئەگەر دەلیڤێن کاری بۆ گەلەک گەنجان ڤەبن ل ڤان کارگەھان کاربکەن.
ئاشکەراکر ژی پشتی دولار بلند بووی کارتێکرن ل کارێ مەکریە، چونکو ئەو دەستپێکی یێن دھێتە ب کارئینان ب دولاری دھێنە کریە.
خانی نیۆز، ھەرھین محەمەد
