ب گۆتنا شارەزایەکێ سیاسی وەلاتێ ئیراقێ پشتی ٢٠٠٣ کەفتیە ژێر دەستھەلاتا گرۆپێن سیاسی و چەکداری یێن دلینیا وان بوو لێڤەکەر و مەزھەبێن وان نەک ئیراقێ، ئەڤە ژی بوو ئەگەر ڤێگاڤێ بێژن ئیراق ب تنێ ناڤ دەولەتە.
زێرەڤان بەرواری، شارەزایێ سیاسی بۆ خانی نیوز گۆت: نھا ئیران ب رێکا گرۆپێن خوە یێن د ناڤا ئیراقێ دا، ھەموو کار و لڤینێن وان ئەون ئەجندایێن وی وەلاتی بجھبینن ژبۆ ھندێ ئەو فشارێن مەزنێن ناڤدەولەتی ل سەر وەلاتێ خوە کێم بکەن.
زێرەڤان بەرواری ئیراقێ ب وەلاتەکێ لاواز دبینیت و پێنگاڤێن کازمی بۆ تەناکرنا رەوشێ ب ئێتیم دبینیت و دیاردکەت: پشتی ژناڤبرنا رژێما بەعس، ئیراق کەفتیە ژێر گڤاشتن و پەیرەوکرنا سیایەتێن ناڤدەولەتی و گڤاشتنێن رۆسیا و ئەمریکا و یێن وەلاتێن دەوروبەر و عیراق بوویە گۆرەپانا ئێکلاکرنا ململانیێن وان.
ل دۆر رۆلێ کوردان د ڤی دەمی دا ل گەل وان ئالۆزیێن ل ئیراقێ ھەین، بەرواری ئاماژە ب ھندێ کر کو ئەگەر کوران گۆتارەکا ئێکگرتی نەبیت و ئەو دەرز و ناکوکیێن ناڤخوەیی یێن ھەین چارەنەبن، کور دێ یاری پێکەر بن نەک یاریکەرێن سەرەکی و گۆت: ھەکە ئالیێن سیاسی یێن کوردستانی بخوازن وەکو یاریکەرێن سەرەکی بھێنە دیتن و سەرەدەری ب کارتێن بھێز ل گەل بھێتەکرن، پێدڤییە و ب زوترین دەم ئەڤ رەوشا نوکە ل ئیراقێ ھەیی بەرچاڤ بھێتە وەرگرتن.
شارەزایەکێ سیاسی بۆ خانی نیوز: ئیراق وەکو دەولەت ب تنێ ناڤ مایە
پێدڤییە کورد یاریکەر بن و نە یاری پێکەر
