وهزیرێ بهرگرییا ئیراقێ دێ لیژنهكێ دهربارهى پۆستێ ئهفسهرێن پله بلند پێكئینیت و 30% یا پلێن تایبهت دێ هێنه كێم كرن.
وهزیرێ بهرگرییا ئیراقێ دێ لیژنهكا تایبهت دهربارهى پۆستێ ئهفسهرێن پله بلند پێكئینیت و ژ سهرجهمێ میلاكێ نها دێ 30% یا پلێن تایبهت كێم كهت، ئهڤه ژی پشتی بریارا مستهفا كازمى فهرماندێ گشتى یێ هێزێن چهكدارێن ئیراقێ سهبارهت ب راگرتنا پله بلندكرنا ئهفسهران.
جومعه عناد، وهزیرێ بهرگریا ئیراقێ د نڤیسارهكێ دا راگههاند؛ ژ بۆ بجهـئینانا فهرمانێن سهرۆك وهزیران و فهرماندێ گشتى یێ هێزێن چهكدار یێن ئیراقێ ب كێم كرنا میلاكێ تایبهت ل وهزارهتا بهرگریێ، لیژنهك هاتییه پێكئینان و ئهركێ وێ هژمارتنا پۆستێن پلهیێن فهریق، لیوا و عهمیدان بیت، د چارچووڤێ میلاكێن سۆپایى و سهرۆكاتییا سۆپا سالار، نڤێسینگهها ئهمیندارییا گشتی، فهرمانگهها یاسایى، رێڤهبهرییا گشتى یا ههوالگرى و ئاسایشێ و 30% یا پلێن نها یێن میلاكى دێ هێنه كێم كرن.
مستهفا كازمى، فهرماندێ گشتى یێ هێزێن چهكدارێن ئیراقێ، كاركرن ب برگهیهكا یاسایى یا خزمهت و خانهنشینیا سهربازى راگرتییه كو تایبهته ب بلندكرنا پلهیا سهربازى یا وان كهسێن پلهیا وان ژ دهرڤهیى یاسایێ هاتییه بلندكرن.
