سپێدەھییا ئەڤرۆ دوو پەقینان بەغدایا پایتەختێ ئیراقێ ھەژاند و ھژمارەکا زۆر یا کوشتی و بریندار ل دووڤ خۆ ھێلان.
ئێک ژ قوربانیێن پەقینێن بەغدایێ کوردە و خەلکێ پارێزگەھا دھۆکێ یە. ل گۆرێ زانییاریێن خانی نیوز (غازی حازم) ل گەل دوو کورێن خۆ ب مەرەما فرۆتنا ھنگڤینی قەستا بەغدایێ کربوو، لێ ئەو ب بەر ئێک ژ وان پەقینان کەفت و گیانێ خۆ ژ دەست دا. خانی نیوز پەیوەندی ب کەس و کارێن وی ل کۆمەلگەھا رزگاری ل پارێزگەھا دھۆکێ کر، وان ئەڤ نووچەیە پشت راستکر و دیاکرن، ھەردوو کورێن وی ب سلامەتن، لێ غازی حازمی گیانێ خۆ ژ دەست دایە.
خانی نیوز، سالار دۆسکی
