ژێدەرەکێ هەوالگێری تایبەت بۆ خانی نیوز: هەموو ئاماژە ئەون ئیرانێ دەست دگەل پەقینێن بەغدا هەیه‌

ژێده‌ره‌كى ژ هه‌والگێریا ئیراقێ ب تایبه‌ت بۆ خانى نیوز راگه‌هاند، ئاماژه‌ بۆ وێ یه‌كێ دچن كو كۆمارا ئیسلامییا ئیرانێ ده‌ست د گه‌ل په‌قینێن به‌غدا هه‌نه‌.

ژێده‌رێ نه‌ڤیایى ناڤێ خوه‌ ئاشكرا بكه‌ت دوپات كر، پشتى دووڤچوون و ڤه‌كۆلینێن ده‌زگه‌هێوان ل دۆر په‌قینێن به‌غدا، هەموو ئاماژە بۆ وێ یه‌كێ دچن كو ئیرانێ دەست دگەل پەقینێن بەغدا هه‌یه‌.

د هێرشه‌كا خوه‌كوژى دا ئه‌ڤرو سپێدێ 2 په‌قین ل باژارێ به‌غدا روودان و تا نها زێده‌ترى 30 كوشتى و برینداران هه‌نه‌.

ل گۆره‌ى زانیارییان، په‌قینا ئێكێ ل بازارێ جلكان ل ده‌ڤه‌را ساحة طیران و په‌قینا دویێ ل ده‌ڤه‌را باب شه‌رجى یا به‌غدا په‌قی یه‌ كو 100 مه‌تره‌كان ژ جهێ په‌قینا ئێكێ دویره‌.

لیوا كازم بوهان، رێڤه‌به‌رێ به‌رگرییا سڤیل ل ئیراقێ راگه‌هاند؛ هه‌ژمارا 30 كه‌س د په‌قینێ دا هاتینه‌ كوشتن و 73 یێن دی ژی بریندارن و هێزێن ئێمناهیێ ژی ل باب ئه‌لشه‌رجی ده‌ست ب راكرنا پاشمایێن په‌قینێ كرینه‌ و ناڤچه‌ یا زۆنا كه‌سك ب ته‌مامی هاتییه‌ گرتن.

https://twitter.com/nafisehkBBC/status/1352188620418011137?s=20