مسته‌فا كازمى سه‌رۆك وه‌زیرێن ئیراقێ راگه‌هاند: په‌قینێن به‌غدایێ نیشانا ڤالاهییا ئێمناهییه.
ئه‌ڤرۆ رۆژا هه‌ینى 22-1-2021 جڤاتا ئاسایشا نشتیمانییا ئیراقێ ب سه‌رۆكاتییا مسته‌فا كازمى فه‌رمانده‌یێ هێزێن چه‌كدار و سه‌رۆكوه‌زیرێن ئیراقێ كۆمبوو.
سه‌رۆك وه‌زیرێن ئیراقێ د كۆمبوونێ دا گۆتییه: هه‌ر به‌رپرسه‌كێ ئێمناهیێ ئه‌ركێن خۆ بجهـ نه‌ئینیت پێدڤییه ژ كارى بهێته دوورخستن، دووپات ژى كر كو به‌رپرسێن كێمته‌رخه‌م دێ هێنه لادان و ئه‌و رێكێ ناده‌ن سازیێن ئێمناهیێ ببنه به‌شه‌ك ژ ململانێ یێن سیاسى.
هه‌ژى گۆتنێ دووهى پێنچ شه‌مبیى به‌رى نیڤرۆ دوو په‌قینان به‌غدایا پایته‌خت هه‌ژاندن و ل دگۆرى دووماهى ئامار ژى، 32 كه‌س هاتنه كوشتن و 110 ژى بریندار بووینه، دناڤا كوشتییان دا ژى كه‌سه‌كێ خه‌لكێ پارێزگه‌ها دهۆكێ هه‌بوو.
