سەرۆکێ حکومەتا ھەرێما کوردستانێ راگەھاند، دەستەیا وەبەرھێنانێ کۆمەکا مۆلەتێن کاری ب بھایێ زێدەتر ژ دو ملیار و 560 ملیۆن دۆلار دەرخستینە، تا نھا ژی 100 مۆلەتێن پرۆژێن مەزن ھاتینە دەرکرن و 556 پرۆژە ژی ھاتینە پەسەندکرن.
مەسروور بارزانی د تویتکی دا راگەھاند، د کابینا نھا یا حکومەتا ھەرێمێ دا دەستەیا وەبەرھێنانێ کۆمەکا مۆلەتێن کاری ب بھایێ پتر ژ دو ملیار و 560 ملیۆن دۆلاران دەرکرینە، ئەو ژی ب تنێ دەستپێکەکە بۆ وی بەرنامێ مەزن یێ وان دارێژتی بۆ گەشەپێدانا کەرتێ تایبەت.
مەسروور بارزانی ئاشکرا کر، د کابینا نھا یا حکومەتێ دا دەستەیا وەبەرھێنانێ پرۆژە ب بھایێ 12 ملیار دۆلاران پەسەند کرینە بۆ سیکتەرێن پیشەسازی، ئاکنجیبوون، پەروەردە، گەشتوگۆزار، وەرزش، بازرگانی، ساخلەمی و چاندنێ.
سەرۆکێ حکومەتا ھەرێمێ ئاشکرا ژی کر، تا نھا 100 مۆلەت بۆ پرۆژێن مەزن ھاتینە دەرکرن، 556 پرۆژە ژی ھاتینە پەسەندکرن.
