نیکۆلا ستێجن، سەرۆکوەزیرا سکۆتلەندا ھندەک رێنمایێن ساخلەمی ب زمانێ کوردی بەلاڤکرن و تێدا سوپاسییا ھاریکارییا خێزانێن کورد یێن ئاکنجیێن سکۆتلەندایێ کرن ل بەرامبەر ئەو قوربانیێن بۆ رێگرتن ل پەتایا کۆرۆنایێ داین.
نیکۆلا ستێجن ل دەسپێکا نامێ دا دبێژیت: کۆرۆنایا نوو ب ساناھی تر بەلاڤدبیت وەلاتییان نەچار دکەت پێنگاڤێن پتر بھاڤێژن بۆ رێگرتن ل بەلاڤبوونا ڤایرۆسی.
سەرۆکوەزیرا سکۆتلەندا ئاماژە کر: ل دووڤ رێنمایا دەسپێکێ ڤاکسین بۆ تەخا دانعەمرایە و پاِشی دێ بۆ کارمەندێن ساخلەمیێ و چاڤدێرێن جڤاکی بکارئینن.
ھەتا نوکە نێزیکی ٣٦٠ ھزار کەسان ل سکۆتلەندا ڤاکسین وەرگرتینە، سەرۆکوەزیرا سکۆتلەندا د دووماھییا نامێ دا شیرەت ل ئاکنجیێن کوردێن سکۆتلەندا کر ھەر دەمێ ڤاکسین پێشکێش کر، وەربگرن.
ھژمارا تووشبوویێن کۆرۆنا ل سکۆتلەندا پترە ژ ١٧٠ ھزار کەسان، پێنج ھزار و ٦٢٨ کەسان گیانێ خۆ ژ دەست داینە. نیکۆلا ستێجن دیارکر دەسپێکا سالا ٢٠٢١ ب ئەگەرێ رێورەسمان ھژمارا تووشبوویان زێدەبوو و ب پێدڤی دزانین جارەکا دی رەوشێ کۆنترۆلبکەین.
