بهرپرسێ نڤیسینگهها رزگاركرنا كوردێن ئێزیدى ژ دهستێ داعشێ راگههاند، ژنهكا دى ژ دهستێ تیرۆرستێن داعشێ هاتیه رزگاركرن و ب ڤێ چهندێ تا نها 3 هزار و 540 كوردێن ئێزیدى ژ دهستێ داعشێ هاتینه رزگاركرن.
حسێن قایدی، بهرپرسێ نڤیسینگهها رزگاركرنا كوردێن ئێزیدى ژ دهستێ داعشێ راگههاند، ژنهكا 23 سال ل سووریێ ژ دهستێ داعشێ هاتیه رزگاركرن كو خهلكا تهل قهسهبه سهر ب قهزا شنگالێ و نها چاڤهرێ نه بگههیته دهستێ وان دا رادهستی كهسوكارێن وێ بكهن.
قایدی دیاركر ژى كو ئهو دێ د بهردهوام بن تاكو سهرجهم كهسێن دهستێ داعشێ دا رزگار بكهن.
راگههاند ژى كو هندهك دهنگۆ ل میدیایا دهێنه بهلاڤكرن سهبارهت ئازادكرنا ئێخسیران، لێ ههتا پشتراست نهبین و بگههیته جههكێ ئێمن یان بگههیته دهستێ وان ئهم نهشێین راگههینین.
