جڤاتا نوونه‌ران دێ 6 به‌رپرسێن ئێمناهیێ ل دۆر په‌قینێ، به‌غدا داخوازی كۆمبوونا خوه كه‌ت و جڤاتا بلندا قه‌زا ژی داخوازا سزادانا وان كه‌سان كر.
لژنا ئاسایش و بەرگریێ ل جڤاتا نوونه‌ران راگه‌هاند؛ 6 به‌رپرسێن ئێمناهیێ ژبه‌ر په‌قینا چەند رۆژێن بوورى ل گوره‌پانا تەیەران ل بەغدا، گازى كۆمبوونان بكه‌ت
راگه‌هاندنێ دا هاتییه، هه‌ر یه‌ك ژ رێڤه‌به‌رێن هه‌والگێرى، سه‌ربازى و رێڤه‌به‌رێ ئاسایشا نیشتیمانى یا ئیراقێ دناڤ وێ لیستێ دانه كو بریاره لژنا ئاسایشێ ب مه‌ره‌ما ڤه‌كۆلینان ژ په‌قینا گۆره‌پانا ته‌یه‌ران گازى بكه‌ت.
ژ ئالییه‌كێ دی ژی، فائق زێدان، سه‌رۆكێ جڤاتا بلندا قه‌زا د به‌یانه‌كێ دا داخواز ژ ئالیێن ئێمناهیێ كر، هه‌موو رێكاران ژ بۆ ئاشكه‌راكرنا هێرشكه‌رێن په‌قینا گۆره‌پانا ته‌یه‌ران بگرنه به‌ر و سزادانا وان ل گۆر یاسایێ بیت دا كو خوینا شه‌هیدان به‌رزه نه‌بیت.
فائق زێدان دوپات ژی كر، ئه‌و ب رژدی دێ ل سه‌ر پاراستنا سه‌روه‌رییا جڤاتا قه‌زایێ د به‌رده‌وامبن یا كو وه‌لاته‌كێ دیموكرات پشتبه‌ستنێ پێ دبه‌ت.
