وەزارەتا داریی و ئابووری یا حكومه‌تا هه‌رێما كوردستانێ راگەھاند، ئەڤرۆ کومبوونا ئێكێ یا دارشتنا بودجا 2021ێ ل وەزارەتا دارایی هات كرن، کو بودجا ھەرێما کوردستانێ دێ بودجەکا گشتی بیت و ھەموو وەزارەت و دەستە و داھات و خەرجی و قەرێن گشتی و کورتئینان، دێ د چوارچووڤێ پرۆژەقانوونا بودجەی دا بیت.
وەزارەتا داریی و ئابووری یا حکوومەتا ھەرێما کوردستانێ ئاشكرا كر، پالپشتی ب بریارا جڤاتا وەزیرێن ھەرێما کوردستانێ بۆ مەرەما بەرھەڤکرن و دارشتنا پرۆژەقانوونا بودجا 2021ێ یا ھەرێما کوردستانێ، د چوارچووڤێ پلانا وەزارەتا دارایی و ئابووری بۆ ڤێ مەرەمێ زنجیرەکا کۆمبوونا دگەل سەرجەم وەزارەتان دێ هێنه كرن.
ئاماژە ب وێ ژی کر، دەستپێکا وێ کومبوونێ ژی ئێکەم وەزارەت دێ دگەل وەزارەتا سامانێن سروشتی بیت و ل دانێ سپێدێ ئەڤرۆ ئێکشەمبی ل دیوانا وەزارەتا دارایی و ئابووری کومبوونەک ب سەرپەرشتیا ئاوات جەناب نوری، وەزیرێ دارایی و ئابووری ل گەل وەزارەتا سامانێن سروشتی هاته كرن.
د راگەھاندنەکا وەزارەتا دارایی و ئابووری دا ھاتییە، بودجا ھەرێما کوردستانێ دێ بودجەکا گشتی بیت و ھەموو وەزارەت و دەستە و داھات و خەرجی و قەرێن گشتی و کورتئینان، دێ د چوارچووڤێ پرۆژەقانوونا بودجەی دا بیت، و بۆ ئێکەم جارە ل ھەرێما کوردستانێ داھات و خەرجی و ( مافێن دارایێن کۆمپانیێن په‌ترۆلێ، خەرجیێن دەرئینان و ھنارتن و فرۆشتنا په‌ترۆلێ) یێن وەزارەتا سامانێن سروشتی دێ کەنە د ناڤ پرۆژەقانوونا بودجا ھەرێما کوردستانێ دا بۆ سالا 2021ێ.
كۆمبوونا ئێكێ یا دارشتنا بودجه‌ى ل وه‌زاره‌تا دارایى هات كرن
