کۆمپانییا بازارکرنا نەفتا ئیراقێ (سۆمۆ) راگەھاند: حکوومەتا ئیراقێ بریار دایە کو د ھەیڤا ئێک و دوو یا ئەڤ سالە دا نەفتێ کێمتر بھنێریت، ئەو ژی ب مەرەما قەرەبووکرنا ئەوێ نەفتا کو سالا بۆری زێدەتر ژ پشکا خۆ د چوارچووڤێ رێککەفتنا ئۆپێک پلەس ھنارتییە.
عەلی نزار، جێگرێ رێڤەبەرێ کۆمپانییا سۆمۆ راگەھاند، بۆ دوو ھەیڤێن ئێکێ یێن ئەڤ سالە وان پلان ھەیە رۆژانە نێزیکی سێ ملیۆن و ٦٠٠ ھزار بەرمیلێن نەفتێ بەرھەم بینن.
و ل دووڤ گۆتنا عەلی نزار، ئەڤە ژی کێمترین ئاستە ل دووماھیکا سالا ٢٠١٥ێ ھەتا نوکە کەمترین ئاستە، حکومەتا ئیراقێ ل ھەیڤا بوری رۆژانە سێ ملیۆن و ٨٥٠ ھزار بەرمیلێن نەفتێ بەرھەمئیناینە.
ھنارتنا نەفتا ئیراقێ ل ھەیڤا بۆری رۆژانە سێ ملیۆن و ٣٠٠ ھزار بەرمیلێن نەفتێ بوون.
عەلی نزار، جەخت ل سەر ھندێ ژی کرییە کو پابەندبوونا وان ب کێمکرنا نوو یا رێککەفتنا ئۆپێک پلەس بۆ ھندێ یە تا وەکو چەند حکوومەتا ھەرێما کوردستانێ بەرھەڤبیت ل ئاستێ بەرھەمئینانا نەفتا خۆ کێمبکەت.
