کۆمارا ئیسلامییا ئیرانێ ب فەرمی داخوازا لیبۆرینێ ژ سەرۆک بارزانی کر ژبەر وی فلمێ بەری چەند رۆژان ھاتیە بەلاڤکرن.
نەسروللا رەشنوودی، سەرکونسلێ کۆمارا ئیسلامییا ئیرانێ ل ھەولێرێ راگەھاند، ئەوان رێزەکا تایبەت بۆ سەرۆک مەسعوود بارزانی ھەیە و داخوازا لێبۆرینێ ژێ دکەن، ب چ رەنگان ژی ئەو پشتەڤانییا وێ فلمی ناکەن.
رەشنوودی ئاشکرا کر، حکومەتا وان مۆلەت بۆ بەرھەمئینانا وی فلمی نەدایە و دێ لێکۆلینێ ژی ل دۆر وی بەرھەمی کەن و رێ نادەن پەیوەندیێن وان د دکەل ھەرێما کوردستانێ تێکبچن، ژبەرکو وان پەیوەندییەکا دیرۆکی د گەل سەرکردێن گەلێ گەلێ کورد ھەیە، لێ ھندەک لایەن دخوازن ناڤبەرا وان تێکبدەن.
پشتی بەلاڤبوونا فلمێ ئیرانی ل دۆر رزگارکرنا مەخموور و ھاریکاریکرنا پێشمەرگەیێ کوردستانێ د شەرێ دژی داعشێ دا، نەرازیبوونەکا مەزن ژ ئالیێ پارتییا دیمۆکراتا کوردستانێ دروست بوو، بۆ وێ یەکێ ژی بەرپرسێ فەرمانگەھا پەیوەندیێن دەرڤە یێن حکومەتا ھەرێما کوردستانێ، نەرازیبوونا فەرمی گەھاندە کونسلێ ئیرانێ ل ھەولێرێ.
