ل تاخێ نزارکێ ل دهۆکێ ئاگر بەربوو ئاڤاهییەکا شقێن ئاکنجیبوونێ و ل گۆری زانیاریێن خانی نیوز شقەك هاتە سۆتن و یێن دی ژی تژی دویکێل ببوون و ئاگر هاتە کۆنترۆلکرن.
هێلا ١١٥ یا تایبەت ب تێمێن بەرەڤانیا باژێرێ بۆ خانى نیوز راگەهاند: پشتى ئەو هاتینە ئاگەهدارکرن کو روودانەکا ئاگربەربوونێ ل پرۆژەیێ لێلاڤ ستى یێ ئاکنجیبوونێ هەیە، هەر زوو ئەو گەهشتنە جهێ روودانێ و شییان ئاگرى کۆنترۆل بکەن.
هەمان ژێدەرى بۆ خانى نیوز گۆت ژى: د ئاڤاهییەکێ دا روودان چێبوویە و ئێک شقە هاتییە سۆتن و یێن دى ژى تژى دویکێل بووینە، ژبلى زیانێن مادى هیچ زیانەکا گیانى نەبوویە
١١٥ ل دۆر ئەگەرێن روودانێ بۆ خانى نیوز دیارکر: ژ ئەگەرێ شۆرتەکا کارەبێ ئەو ئاگر چێبوویە، هەروەسا زیانێن گیانى نەبووینە ب تنێ هندەک حالەتێن بهێن تەنگیێ هەبووینە ئەو ژى هەر ل وێرێ ژ لایێ تیما ١٢٢ یا ساخلەمیێ ڤە هاتینە چارەسەرکرن.
خانى نیوز، چنار ئەحمەد
![](https://www.xaninews.com/wp-content/uploads/2021/01/img_9519.jpg)
![](https://www.xaninews.com/wp-content/uploads/2021/01/img_9520.jpg)
![](https://www.xaninews.com/wp-content/uploads/2021/01/img_9521.jpg)