شاندەکێ پەرلەمانێ کوردستانێ و وەزارەتا پێشمەرگەی کۆمبوون و دووماھیک پێنگاڤێن پرۆسێسا چاکسازیێ ل وەزارەتا پێشمەرگەی و ل دووڤ یاسایا ژمارە ٢ یا سالا ٢٠٢٠ێ یا پرۆسەیا چاکسازییا حکومەتێ ھاتە گۆتوبێژ کرن.
شۆرەش ئیسماعیل، وەزیرێ پێشمەرگە یێ حکوومەتا ھەرێما کوردستانێ ئەڤرۆ دووشەمبی ٢٥-١-٢٠٢١ێ پێشوازی ل د. ھێمن ھەوارمی، جێگرێ سەرۆکێ پەرلەمانێ کوردستانێ و سەرۆک و جێگر و ئەندامێن لژنا کاروبارێن پێشمەرگەی ل پەرلەمانی کر.
د کۆمبوونێ دا، سەربەست لەزگین، بریکارێ وەزارەتێ و ئەمیندارێ گشتی و سەرۆکێ ئەرکان و ئەفسەرێن پلەدار بەرھەڤببوون، گۆتوبێژ دەربارەیی جێبەجێکرنا یاسایا ( پەسەندکراوەکان) و پێنگاڤێن پرۆسێسا چاکسازیێ و پرسا چاڤدێرییا پەرلەمانی بۆ بلەزکرنا ئەوێ پروسێسێ.
د تەوەرەکێ دی دا، جێگرێ سەرۆکێ پەرلەمانی داخواز کر کو پرۆسێسا چاکسازیێ بھێتە جێبەجێکرن و پێداچوون د لیستا مووچەی بھێتە کرن و رێکخستن دناڤ ھێزان دا پەیدا ببیت.
ھەروەسا وەزیرێ پێشمەرگەی روونکرییە، کو پرۆسێسا چاکسازی د وەزارەتێ دا پێنگاڤێن باش ھاڤێتینە، ئەو ژی ب رێکا پێنج لژنێن سەرەکی ئاراستەی چاکسازیێ کرینە و ب ھەڤکارییا ھەڤپەیمانان بەردەوامی ھەیە.
دەربارەی رێکخستنا ھێزان ژی، وەزیرێ پێشمەرگەی ئاماژە دا، نوکە ھەموو لیوایێن ھەڤپشکێن وەزارەتا پێشمەرگە ب رێکا پرۆژە یاسایا چاکسازی یا وەزارەتێ و ب ھەماھەنگی و راوێژکارییا راستەوخۆیا ھەڤپەیمانان ژلایێ تەشکیلات و میلاکاتێن سەربازی رێکخستی نە و ھەر ژ لایێ ھەڤپەیمانان ژی ڤە ھاریکاریێن ماددی و لۆجستی و سەربازی دێ ھێنە کرن.
گۆت ژی، قەبارێ ھاریکاریێن ھەڤپەیمانان بۆ ھێزێن پێشمەرگەی، کەفتییە سەر ئاستەکێ بەرفرەھێ پرۆسێسا چاکسازیێ ل سەرجەم سێکتەران دا، و ئێکگرتنا تەماما ھێزان پێدڤی ب رێککەفتنا سیاسی ھەیە و ب رێکا ھەڤپەیمانان ئەڤ بابەتە ب ھێز و لایەنێن سیاسی ھاتیە گەھاندن، کو دڤێت ھەموو ل ژێر بریارا وەزارەتا پێشمەرگەی کومببن.
