ئەڤرۆ سپێدێ رۆژا دووشەمبی رێکەفتی ٢٥/٠١/٢٠٢١ ئالان حەمە سەعید وەزیرێ پەروەرده یا حكومهتا ههرێما كوردستانێ ب مەرەما ئاگەھداربوون ل سەر رەوشا پروسهیا پەروەردە و فێرکرنێ سەرەدانا دەڤەردارییا بەردەرەشێ کر.
(ئەحمەد عەبدوللا زوبێر) بەرپرسێ راگەھاندنا رێڤەبەرییا گشتی پەروەردە یا دھۆکێ بۆ خانی نیوز راگەھاند: وەزیرێ پەروەدێ و رێڤهبهرێ گشتیێ پهروهرده یا دهۆكێ ل گەل ھژمارەکا قوتابی و مامۆستایێن وێ دهڤهرێ کۆمبوون و ھندەک تەوەرێن تایبەت ب پێشخستنا کەرتێ پەروەردە و فێرکرنێ باسکرن.
ناڤھاتی گۆت ژی: ھەر د سەرەدانا خۆدا وەزیرێ پەروەدێ قەستا دەڤەردارییا بەردەرەشێ کر و ل گەل دەڤەردارێ بەردەرەش رەوشا پەروەردێ و کێم و کیاسییێن وی کەرتی وان باسکرن.
بەرپرسێ راگەھانا رێڤەبەرییا گشتی پەروەردەیا دھۆکێ ئەو یەک ژی گۆت: ئالان حەمە سەعید وەزیرێ پەروەردێ و دگەل عومەر عەلی تاھا رێڤەبەرێ گشتی یێ پەروەردە یا دھۆکێ سەرەدانا رێڤەبەرییا پەروەردەیا بەردەرەشێ کرن دا و د کۆمبوونەکێ دا چەندین تەوەرێن گرنگ سەبارەت دەستپێکرنا خاندنێ و رێکار و رێنمایێن خۆپارێزیێ ژ ڤایروسێ کۆرۆنا بەحسکرن و ل سەر چەندین کێم و کاسی یێن دەڤەرێ راوەستییان کو ل ئایندەکێ نێزیک دا بھێنە چارەسەرکرن و پشتەڤانییا خۆ ژی بۆ سەرئێخستنا پروسا پەروەردێ ل دەڤەردارییا ناڤبری دیارکر.
خانی نیوز، عەبدولا عەلی
