هێزێن ئێمناهییا توركیا ل ستهنبۆلێ سهر ب بارهگههێ ههدهپێ دا گرت 2 ههڤسهرۆكێن وی لقی دهستهسهركرن.
هێزێن ئێمناهییا توركیا ل دهڤهرا ئهسهنیۆرت ل ستهنبۆلێ ب سهر بارهگههێ ههدهپێ دا گرت و 2 ههڤسهرۆكێن وى لقى یێن ب ناڤێن ئێرجان ساغلهم و دیلان كلیچ ب تۆمهتا وێ یهكێ كو سهر ب پهكهكێ ڤهنه دهستهسهركرن، د دهما 48 ساتێن بۆرى دا جارا 2 یه ئاسایشا ستهنبۆلێ ب سهر بارهگههێ پارتا ههدهپێ دا دگریت و هژمارهكا ئهندامێن وێ دهستهسهركرینه.
راگههاندنا ههدهپێ ژى د بهیانهكێ دا ئیدانا وان هێرشان كر و داخازا ئازادكرنا ئهندامێن خوه كر.
میدیایێن توركیا ژى بهلاڤكرییه، ژ بهر كو وێنێن عهبدولا ئۆجهلانىد ناڤا بارهگههی دا د ههلاویستی بوون، ههروهسا بهلگه ههنه ههڤسهرۆكێن لقێن ئهسهننیۆرت ئهندامێن پهكهكێ نه، ژ بهر وێ یهكێ ژی ل سهر داخازا دادوهرى هاتینه دهستهسهركرن.
