وه‌زیرێ چاندنا ئیراقێ داخوز ژ وزاره‌تێن ناڤخۆ، داد و ساخله‌میێ كر، به‌رهه‌مێن ناڤخۆ یێن چاندنێ بكڕن ژ بۆ باشتركرنا داراییا ئیراقێ.
محمه‌د كه‌ریم خه‌فاجی، وه‌زیرێ چاندنا ئیراقێ ئه‌ڤرۆ د به‌یانه‌كێ دا راگه‌هاند؛ د چارچووڤێ كارێ هه‌ڤپشك و د قه‌یرانا نها ئیراق تێدا ده‌ربازدبیت ئه‌ركه ل سه‌ر وان پشته‌ڤانییا داراییا ناڤخوه بكه‌ن و پێدڤییه هه‌رسێ وه‌زاره‌تێن ناڤخۆ، داد و ساخله‌می پێدڤیێن خوارنێ ژ به‌رهه‌مێن ناڤخۆ یێن چاندنێ بكڕن ب تایبه‌ت مریشك و هێكان، ب ڤێ رێكێ ژى دێ جۆتیارێن وان مفای بینن و بودجه‌یا ده‌وله‌تێ ژی باشتر بیت.
محه‌مه‌د خه‌فاجی خویا ژی كر، دیاربوویه كو ئه‌و دشێن پشت ب به‌رهه‌مێ خوه یێ ناڤخوه ببه‌ستن ژ به‌ر باشییا جۆرێن وان ب تایبه‌ت به‌رهه‌مێن گه‌نم و كه‌سكاتی و تۆڤی و ب بهایێن گونجای.
دوپات ژی كر، پاراستنا به‌رهه‌مێ ناڤخوه ئه‌ركێ نشتیمانییه د چارچووڤێ رێكارێن وه‌لاتێن زلهێز دا ب پاراستنا به‌رهه‌مێن خوه ژ بۆ پشته‌ڤانییا چاندن و به‌رهه‌مێ ناڤخۆ ژ به‌ركو گرێدای قووتێ رۆژانه یێ وه‌لاتییانه.
