لیژنا دارایى ل جڤاتا نوونهرێن ئیراقێ برگهیهك پهسهندكر، تێدا خهرجیێن پشكا ههرێما كوردستانێ ب تنێ دێ پێدڤى ب ئیمزایا وهزیرێ دارایى بیت، د دهمهكى دا سالا بوورى خهرجیا پشكا ههرێمێ پێدڤى ب ئیمزایا سهرۆكوهزیران و وهزیرێ دارایى بوو.
هشیار عەبدوللا، ئەندامێ لیژنا دارایی ل جڤاتا نوونهران راگەهاند، کۆمبونا ژمارە 32 یا لیژنێ ل دور رەشنڤیسا قانوونا بودجا 2021ێ وەک لیژنا دارایی دهرباز بوو و پێشبینى دهێتهكرن حهفتیا بهێت بودجه بكهڤیته بهر دهنگدانێ ژ لایێ جڤاتا نوونهران ڤه.
ئاماژه ب هندێ ژى كر، ئێك ژ خالێن هاتینه بنهجهكرن د رهشنڤیسى دا پشتى دانوستاندنهكا مهزن هاته پهسهندكرن كو بودجا سالا2021 خهرجكرنا پشكا ههرێمێ ب تنێ دێ پێدڤى ب ئیمزایا وهزیرێ دارایى بیت، كو سالا بوورى پێدڤى ب ئیمزایا وهزیرێ دارایى و سهرۆك جڤاتا وهزیران ههبوو.
