ل دووڤ فەرمانەکا پارێزگەرێ دھۆکێ کو دانەک ب دەست خانی نیۆز کەفتیە، رێڤەبەرێ ناوچهدارییا رزگاری یا سەر ب دهڤهردارییا زاخۆ ڤە بۆ دیوانا پارێزگەھا دھۆکێ ھاتە ڤەگوھاستن و ل جھێ وی ژى رێڤەبەرێ ناوچهدارییا گردەسین ھاتیەدانان.
ل دووڤ نڤیسارا ھەژمارە (٦٤) یا رێکەفتی ٢٥/١/٢٠٢٠ هاتییه خویاكرن: ل دووڤ دەستھەلاتێن پارێزگەرێ دھۆکێ (عەلی تەتەر)ی، رێڤەبەرێ ناوچهدارییا رزگاری (سەوەر سەعید) بۆ دیوانا پارێزگەھا دھۆکێ ھاتییە ڤەگوھاستن و ل جھێ وی ژى (سەگڤان سەبری عەزیز) کو پێشتر رێڤەبەرێ ناوچهدارییا (گردەسێن) بوویە وەک رێڤەبەرێ ناوچهدارییا رزگاری ھاتیەدانان.
ههروهسا ههر د ئهوێ نڤیسارێ دا هاتییه: مقدەم (مهعاز حسێن رەشید) وەک رێڤەبەرێ ناوچهدارییا گردەسێن ب وەکالهت ھاتیەدانان.
ل دۆر ڤێ ڤەگوھاستنێ ھشیار گولی، ئەندامێ جڤاتا پارێزگەھێ بۆ خانی نیۆز ئاشکراکر کو ڤەگوھاستنا رێڤەبەرێن ناوچهدارى و دهڤهردارییان ژ دەستھەلاتێن پارێزگەرێ دهۆكێنه و ب تنێ دانانا وان ژ دەستھەلاتێن جڤاتا پارێزگههێنه.
خانى نیوز، سالار دۆسكى
