دژه‌ تیرۆرا ئیراقێ كوشتنا چوار سه‌ركرده ‌یێن داعشێ ل كه‌ركووكێ راگه‌هاند

ده‌زگه‌هێ دژه‌ تیرۆرا ئیراقێ راگه‌هاند، ب فه‌رمانا مسته‌فا كازمى فه‌رماندێ گشتیێ هێزێن چه‌كدار ئه‌ڤرۆ چوارشه‌مبى ئۆپه‌راسیۆنه‌كا به‌رفره‌هـ ل ده‌ڤه‌را (وادى شاى) ل باشوورێ پارێزگه‌ها كه‌ركووكێ هاتییه‌ ئه‌نجامدان و رووبرووبوونێن راسته‌وخۆ دگه‌ل چه‌كدارێن وێ رێكخراوێ روودایه‌ و د ئه‌نجام دا چوار سه‌ركرده‌یێن بلند یێن داعشێ هاتنه‌ كوشتن.

هه‌ر ل گۆرێ به‌یانا دژه‌ تیرۆرێ، ژ ئه‌نجامێ ئۆپه‌راسیونێ ژى به‌رپرسێ ساخله‌میێ و به‌رپرسێ تیما ئه‌ندازه‌یى و به‌رپرسێ په‌یوه‌ندییان و ده‌زگه‌هێ ئه‌لكترونیێ داعشێ و دوو به‌رپرسێن دى ژى یێن كوگه‌هان هاتنه‌ كوشتن.