رێڤەبەرێ نەھێلانا ماددێن ھۆشبەر د راگەھاندنەکێ دا بەلاڤکرییە، ئەڤرۆ ل ھەڤلێرێ ھێزێن وان دەست ب سەر بارھەلگرەکا ئیرانی دا گرتییە و شوفێرێ وێ ھاتییە دەستەسەر کرن، کو ٢٦ کیلۆیێن ماددێ ھۆشبەر دگەل دابوون.
د راگەھاندنێ دا ھاتییە: دەستەسەرکری ناڤێ وی (ا.ر.م)ـە، ئەوی ١٦ کیلۆگرامێن کریستال و ١٠ کیلۆگرامێن تلیاکی د ناڤ بارھەلگرەکێ دا ڤەشارتبوون.
ل دووڤ ماددێ ١٤ ژ یاسایا ماددێ ھۆشبەران ڤەکۆلین ھاتییە کرن و تاوانبار دێ رووبرووی دادگەھێ بیت.
