بریارە ئەڤ سالە پارتییا دیموکراتی یا کوردستانێ کونگرەیێ خۆ ئەنجام بدەت و ب ئەگەرێ بەلاڤبوونا ڤایرۆسێ کۆرۆنایێ ژی، گۆرانکاری ب سەر ھندەک پرسێن تەکنیکی د کۆنگرەی دا ھاتینە.
د. جەعفەر ئێمینکی، ئەندامێ مەکتەبا سیاسییا پارتییا دیموکراتا کوردستانێ، بۆ مالپەرێ پارتی راگەھاندییە، ئەڤ سالە کۆنگرە دێ ھێتە گرێدان و ئەو گەھشتینە بریارا دوماھیکێ، د داھاتی دا ژی پەیڤدارێ مەکتەبا سیاسییا حزبێ بەرھەڤیێن ئەنجامدانا کۆنگرەی دیارکرینە.
سەبارەت جھـ و دەمێ کۆنگرەیی، ئێمینکی روونکرییە، ھێشتا زوویە ژی بەحسێ وێ چەندێ بکەین کا دێ کەنگی کۆنگرە ھێتە ئەنجام دان، چونکی ب ئەگەرێ بەلاڤبوونا ڤایرۆسێ کۆرۆنایێ گۆرانکاری ب سەر بەرھەڤیێن کۆنگرەی دا ھاتینە، بەلێ دگەل ڤێ چەندێ ژی ئهو دێ پرسێن تەکنیکی رووھنتر کەن.
پارتییا دیموکراتا کوردستانێ ل دوماھیکا سالا ٢٠١٠ێ دوماھیک کۆنگرەیێ خۆ گرێدابوو، ل دویڤ پەیرەوێ ناڤخۆیێ پارتی، پێدڤییە چوار سالان جارەکێ کۆنگرەیێ خۆ سازبکەت.
