ئۆپه‌راسیۆنێن هه‌ڤپشك یێن سۆپایێ ئیراقێ راگه‌هاند؛ ئه‌و دێ سنۆرێن وه‌لاتێ خوه دگه‌ل سووریێ سیمه‌كه‌ن.
ته‌حسین خه‌فاجى، په‌یڤدارێ ئۆپه‌راسیۆنێن هه‌ڤپشك یێن سۆپایێ ئیراقێ راگه‌هاند؛ ب مه‌به‌ستا رێگریكرن ل هاتنا تیرۆرستان، سنورێن ئیراقێ دگه‌ل وه‌لاتێ سووریا دێ هێنه سیمه‌كرن و كامیرێن چاڤدێریێ ب درێژاهییا سنوران دێ هێنه دانان.
دیار ژى كر، زێده‌ترى 450 كیلۆمه‌ترێن سنورێ ئیراق و سووریا هاتییه سیمه‌كرن و كامیرێن چاڤدێرییێ لێ هاتینه دانان لێ هێشتا 160 كیلۆمه‌تر ماینه.
په‌یڤدارێ ئۆپه‌راسیۆنێن هه‌ڤپشك گوت ژى، د نها دا سوپایێ ئیراقێ ب هاریكارییا چه‌ند ئالیێن هونه‌رى و ئاسایشێ مژویلى دابینكرنا سیمه‌ى و دانانا كامیرێن چاڤدێریێ نه بۆ وان 160 كیلۆمه‌ترێن ماین.
