قارهمانێ جیهانی و ئیراقی یێ لهش جوانیێ، عهباس هنداوی ئهڤرۆ ل نهخۆشخانهكا باژارێ سلێمانیێ وهغهر كر.
ئێكهتییا ئیراقی یا لهشجوانیێ د بهیانهكێ دا راگههاند؛ عهباس هنداوی، ئهڤرۆ ل نهخۆشخانهكا پارێزگهها سلێمانیێ وهغهر كر كو ب بابێ رۆحی یێ وهرزشا لهشجوانیێ ل ئیراقێ دهاته نیاسین و د داوی پهیڤا خوه دا ل سهر هژمارا خوهیا فهیسبووكێ گۆتبوو: دلێ من یێ ل گهل وهلاتێ من.
عهباس هنداوی، ل سالێن 1970 تا 1976 سالانه رێزبهندییا 4 بۆ ناسناڤێ جیهانی یێ لهشجوانیێ بدهستخستیه.
ههروهسا دنێڤبهرا سالێن 1961 و 1988 ناسناڤێ قارهمانێ ئاسیا 11 جاران بدهستخستیه و 8 جاران یێ رۆژهلاتا ناڤین و سالانه د بوو قارهمانێ ئیراقێ د وی دهمی دا كو ب خودانێ جوانترین لهش ل ئاسیا د هاته نیاسین و كهسێ تا نها ئهو ناسناڤ نهوهرگرتییه.
