سهرۆكا پهرلهمانێ كوردستانێ رادگههینیت، سهرۆكایهتییا پهرلهمانى د گهل سهرۆكایهتییا ههرێما كوردستانێ و لایهنێن سیاسى بۆ دروستكرنا ئێك لیستا كوردى دێ كۆمبیت.
ئهڤرۆ پێنجشهمبى 28-1-2021ێ سهرۆكایهتییا پهرلهمانێ كوردستانێ د گهل نوونهرێن حزب و لایهنێن سیاسیێن كوردستانێ ب مهرهما رێكخستن و ئێكدهنگییا لایهنێن كوردستانێ ل دهڤهرێن كوردستانێ یێن دهرڤهیى ئیدارا ههرێما كوردستانێ كۆمبوون.
پشتى كۆمبوونێ، رێواس فایهق، سهرۆكا پهرلهمانێ كوردستانێ د كۆنگرهكێ رۆژنامهڤانى دا راگههاند، ل دویڤ یاسایێ، ئهركێ پهرلهمانییه وهك نوونهرێ گهلێ كوردستانێ بزاڤا ئێكدهنگییا لایهنێن كوردى د ههلبژارتنێن پهرلهمانێ ئیراقێ دا بكهت.
رێواس فایهق، ئاماژه ب ناكوكیێن لایهنێن سیاسیێن كوردستانێ كر و راگههاند كو ئهو ژئێك دووربوونا حزبان ژى ئهگهرێ دلگرانیێ یه.
سهرۆكا پهرلهمانێ كوردستانێ ههروهسا راگههاند، د كۆمبوونێ دا، كو ژ نێزیكڤه ههموو حیزبێن سیاسى ئامادهبوون، دێ بهحسێ بهرههڤیێن تهكنیكى بۆ ههلبژارتنێن پهرلهمانێ ئیراقێ هێنه كرن و بریار دایه بلهز دگهل سهرۆكایهتییا ههرێما كوردستانێ و مهكتهبا سیاسى یا حزبێن كوردستانێ گۆتوبێژ بهێنهكرن، چونكى دهم د بهرژهوهندییا كوردا دا نینه.
رێواس فایهق ئاشكرا ژى كر، كو ههر حیزبهكا سیاسى قهبارێ خۆ دزانیت، دڤێت حیزبێن مهزن یێن كوردستانێ مافێ حزبێن بچووك ل بهرچاڤ بهێته وهرگرن، بۆ هندێ داكو كوردێن ژ دهڤهرێن كوردستانێ یێن دهرڤهیى ئیدارا ههرێما كوردستانێ ب ئێك لیست پشكداریێ د ههلبژارتنێن پهرلهمانێ ئیراقێ بكهت.
