وەزارەتا ساخلەمییا ھەرێما کوردستانێ ئامارێن ئەڤرۆ یێن تایبەت ب ڤایرۆسێ کۆرۆنایێ بەلاڤکرینە، کو دیاربوویە دوو کەسان د ماوێ ٢٤ دەمژمێرێن بۆری دا ب ڤایرۆسێ کۆرۆنایێ گیانێ خۆ ژ دەست داینە، د دەمەکیدایە کو دوھی پێنج کەسان ب ئەگەرێ کۆرۆنایێ گیانێ خۆ ژ دەست دابوون.
داتایا وەزارەتا ساخلەمیێ دیارکرییە: د ٢٤ دەمژمێرێن بۆری دا چوار ھزار و ٣٣٣ێ کەس ل کوردستانێ پشکنینێن کۆرۆنایێ کریینە، ژ وێ ژمارێ ژی ٧٣ کەس ب تووشبوونا ڤایرۆسی ھاتینە تومارکرن، کو ٤٠ کەس ل دھۆکێ بوون، ژبلی ھندێ ژی دوو کەس مریینە، ئەو ژی ھەر یێن دھۆکێ بوون.
چاکبوو ژی ژ کۆرۆنایێ، ب ھەمان شێوێ رۆژانێن بوری ژ ئاستێ ٩٠٠ کەسی دایە و دیارکرییە ژی کو ٩٧٠ کەس د ٢٤ دەمژمێرێن بوریدا ژ کۆرۆنایێ چاکبووینە.
