وهزیرێ پهروهردا حكوومهتا ههرێما كوردستانێ، ئهو چهنده ئاشكرا كر، كو پلانهك بۆ ژ دهست نهدانا پرۆسێسا خاندنا ئهڤ ساله و سالا داهاتى دانایه.
ئهڤرۆ پێنجشهمبى 29-1-2021ێ، ئالان حهمه سهعید، وهزیرێ پهروهردێ د كۆنگرهكێ رۆژنامهڤانى دا دیاركر كو رهوشا كۆرۆنایێ بهرهڤ باشیێ یه و ئامارێن وان ژى كێم بووینه، و ئهگهر ئامارێن نوكه ژى ههر وهكو خۆ بمینن، پێشنیار ئهوه كو دهستپێكرنا پرۆسێسا خۆێندنێ دێ پێشئێخیت، د دهمهكیدایه كو بهرى نوكه بریار دابوو ل 1-3-2021ێ پرۆسا خوێندنا پولێن 1-11 ئامادهیى دهستپێبكهت.
وهزیرێ پهروهردێ، بۆ بهرههڤكرنا پرۆژه و پێشنیاران بۆ كۆمبوونا داهاتى لیژنا بلندا بهرهنگاربوونا كۆرۆنایێ كو بریاره ل 2 ههیڤا داهاتى بهێته ئهنجام دان.
دهربارهیى قهرهبووكرنا ئهوى دهمى ب بێ خۆێندن چووى، ئاشكرا كر، كو بریار دایه خۆێندنا ئهڤ ساله بكهنه دوو دهمێن جودا دا، وهرزێ ئێكێ ل 1-3ێ دهستپێبكهین، بهلێ ئهگهر لیژنا رووبرووبوونا كۆرۆنایێ بریارهكه ئینا پێش، ل وى دهمى دێ راگههینین د چ دهمهكیدا بیت بۆ هندێ بهرنامێن وهرزێ ئێكێ ب تهمامى بهێنه خواندن، بهرنامێ وهرزێ دووێ ژى ل ههیڤا 9 دێ دهستپێكهت و ب مفا وهرگرتن ژ ههموو بێهنڤهدانان، ژبلى سێ رۆژێن بێهنڤهدانا جهژنا نهورۆزێ و سێ رۆژێن جهژنا رهمهزانێ.
ئالان حهمه سهعید ئاشكرا ژى كر كو بۆ سالا خواندنا داهاتى پێشنیار كرییه كو ل 20-12 دهست ب خواندنێ بكهن و ههتا ههیڤا 6 یا سالا د دویڤدا بیت، ب وێ چهندێ سالا خواندنێ 2021-2022ێ چ زهرهرهك ل سهر نابیت و كێم ژى نابیت، بهلكو مه ئهو یا هژمارتى كو 168 رۆژ مه دهوام دێ ههبیت و ب مفا وهرگرتن ل دهوامكرنا رۆژێن بێهنڤهدانێ.
