بریاردهرێ لیژنا دارایى ل جڤاتا نوونهرێن ئیراقێ راگههاند، بهایێ بهرمیلهكا پهترۆلا خاڤ د پرۆژهقانوونا بودجا 2021ێ دا بۆ 45 دولاران بۆ ههر بهرمیلهكى هاتیه زێدهكرن.
د. ئەحمەد سەفار، بریاردهرێ لیژنا دارایى د جڤاتا نوونهرێن ئیراقێ دا ئاماژه ب هندێ كر، سهرجهمێ گشتیێ خهرجییان د پرۆژهقانوونا بودجهى دا ژ 164 ترلیۆن دیناران بۆ 130 ترلیۆن دیناران كێمكرییه.
ئهو ئهندامێ لیژنا دارایى ئاماژه ب هندێ كر كو بۆ دهمێ دو حهفتیان رۆژانه لیژنه ب بهردهوامى كۆمبوونا دكهت، ب شێوهیهكى خواندنا ئێكێ بۆ سهرجهم بابهت و برگێن پرۆژێ بودجێ هاتینه كرن و نوكه د خواندنا دوماهیێ دانه.
د. ئەحمەد سەفار دیار ژى كر، لیژنه د ماددێ 12 دا گۆرانكاریێن بهرچاڤ كرینه، ههروهسا پێشنیار ههنه بهایێ بهرمیلا پهترۆلێ ژ 42 بۆ 45 دۆلاران بهێته زێدهكرن بۆ هندێ داهاتێ گشتى زێده ببیت، ههروهسا كورتهێنان ژى بۆ كێمتر ژ 30 ترلیۆن دیناران كێم بكهنهڤه.
راگههاند ژى، چهندین برگێن دى ژى ماینه ههلاویستى د رۆژێن بهێن دا دێ گۆتوبێژ ل سهر هێنه كرن، ب تایبهت ئهوا پێدڤى ب كێمكرن و گۆرانكاریان د پلێن فهرمانبهران دا ههروهسا پشكا ههرێما كوردستانێ.
