رۆژنامهیا نیویۆرك تایمز، د راپۆرتهكێ دا زانیاریێن نوو ل دۆر كوشتنا تۆمهتبارێ پهقینێن بهغدا راگههاند؛ هێزێن ئیراقی ب ههڤپشكی د گهل فرۆكێن ههڤپهیمانێن ئهمریكا و ههوالگێرێ شییان جهبار عیساوی، مهزنترین سهركردهیێ داعشێ بكوژن كو ب پهرپرسێ ئۆپهراسیۆنێن پیس د هات بناڤكرن، ئۆپهراسیۆن ژی بهرسڤهكه بۆ پهقینێن بهغدا و شكاندنا سهرهلدانا داعشێ.
جهبار عیساوی، ژیێ وی 43 سال بوون و ههماههنگییا ئۆپهراسیۆنێن تیرۆری یێن ب كۆم و بهرفرههكرنا ههبوونا داعشێ ل ئیراقێ دكر.
واین ماروتو، پهیڤدارێ هێزێن ههڤپهیمانان ژی راگههاندبوو؛ كوشتنا جهبار عیساوی دربهكا مهزن ل داعشێ دا د دوباره سهرهلدانا وێ دا، ئۆپهراسیۆنا كوشتنا وی سهركردهی كارتێكرن ل كهیسا ههبوونا هێزێن ئهمریكی ل ئیراقێ كرییه د چارچۆڤێ كێمكرنا هێزێن وان دا.
