وەزارەتا ساخلەمییا ئیراقێ ئامارێن نوو یێن کۆرۆنایێ بەلاڤکرن و دناڤدا ئاماژە ب ئامارێن ھەرێما کوردستانێ ژی کریە.
ل گۆری ئامارا وەزارەتا ساخلەمییا ئیراقێ د ٢٤ دەمژمێرێن بۆری دا ٩٨٤ کەس تووشی کۆرۆنایێ بووینە، کو ١٠٧ ژ وان ل ھەرێما کوردستانێ نە.
ھەر ل گۆرێ وێ ئامارێ ل دھۆکێ ٤٥ کەس، ل ھەولێرێ ١٣ کەس و ل سلێمانێ ٤٩ کەس تووشی کۆرۆنایێ بووینە.
ھەروەسا ل سەرانسەری ئیراقێ ١٠ کەسان گیانێ خۆ ژ دەستدا یە و دو ژ وان ل ھەرێما کوردستانێ و ل پارێزگەھا دھۆکێ بووینە.
ھەروەسا ئامارا وەزارەتا ساخلەمییا ئیراقێ دیاکریە ژی د ڤی ماوەی دا ١٢٥٥ تووشبوو چاکبووینە کو ٣٩٩ ژ وان ل ھەرێما کوردستانێ نە و زۆرترین ھژمارا چاکبوویان ل سەر ئاستێ ئیراقێ ل پارێزگەوھا دھۆکێ ھاتیە تۆمارکرن کو ٢٥٩ چاکبوونە.
ئامارێن نوو: ل سهر ئاستێ ئیراقێ زۆرترین هژمارا چاكبوویان ل دهۆكێ یه
