پهیڤدارێ وهزارهتا دهرڤهیا ئیرانێ راگههاند: ههتا ئیدارا نوو یا ئهمریكا سزایان ل سهر وهلاتێ وان رانهكهت، ئهو ڤهناگهرنهڤه سهر مێزا گۆتوبێژان، چونكى یا بێ مفایه.
د كۆنگرهكێ رۆژنامهڤانى دا كو مالپهرێن عهرهبى ناڤهرۆكا وێ بهلاڤكرییه، ئهڤرۆ دووشهمبى، سهعید خهتیب زاده، پهیڤدارێ وهزارهتا دهرڤه یا ئیرانێ راگههاندییه، وهلاتێ وان ڤهناگهریته ڤه بۆ سهر مێزا گۆتوبێژان سهبارهت رێككهفتنا ئهتۆمى، ئهڤه ژى بۆ هندێ زڤراند كو سزایێن ئیدارا بهرێ یا ئهمریكا هێشتا دبهردهوام من.
ئاماژه ب هندێ ژى كر، گۆتوبێژێن دوو قولى ل گهل واشنتۆنێ د نوكه دا بوونا خۆ نینه و یا بێ مفایه، ئهم د ئامادهنینین ژى كۆمبوونان دگهل بكهین ئهگهر سزایان ل سهر وهلاتێ وان رانهكهن،ههر دهمێ سزا نهمان، ل وى دهمى دێ شێن ههر رێككهفتنهكێ بكهین.
وهزارهتا دهرڤهیا ئیرانێ: گۆتوبێژێن دوو قولى ل گهل واشنتۆنێ یا بێ مفایه
