رێڤەبەریا پۆلیسێن پارێزگەھا دھۆکێ دەستەسەرکرنا چەند قومارچیان راگەھاند
بەرپرسێ راگەھاندنا پۆلیسێن پارێزگەھا دھۆکێ د کۆنگرەیەکێ رۆژنامەڤانی دا راگەھاند: پشتی زانیاری گەھشتینە وان کو ل ھندەک جھان قومار ب رێکا سیستم و ئۆنلاین دھێتە کرن و پشتی دووڤچونێن وان یێن بەردەوام گەھشتینە ئەنجامان، ل دووڤ فەرمانا رێڤەبەرێ پۆلیسان عەمید شهعلان، وان دەمێ کێمتر ژ حەفتیەکێ زێدەتر ژ ١٠ جھێن قومارکرنێ دگەل ١٦ قومارچییان دەستەسەرکرن و ل گۆرەی بەندێ ٣٨٩ بۆ دادگەھێ ھاتینە رەوانەکرن.
موقەدمێ مافپەروەر ھێمن سلێمان ئاشکرا کر، گەلەک ژ وان جھان کەسێن بیانی تێدا کاردکر و ل سەر ڤێ چەندێ وان ب ھەڤپشکی د گەل رێڤەبەریا ئاکنجیبونێ لیژنەیەک پێکئینایە بۆ وان کەسێن بیانی کو بریارەکێ ل سەر بدەن.
ھێمن سلێمان داخاز ژ وەزارەتا ڤەگوھاستنێ و پەرلەمانی کر کو چارەسەریەکێ بۆ قومارا ئۆنلاین بینن و بھێتە قەدەغەکرن ب رێکا ئینتەرنێتێ ژی.
