لژنا دووڤچوونا بازاری ل دێرەلۆکێ ئەڤرۆ ٢-٢-٢٠٢١ پتر ژ چار تەنێن کەرەستەیێن ئێکسپایر ژناڤبرن کو ل بازارێن دەڤەرێ دەست ب سەردا ھاتبوونه گرتن.
سامی ئوشانە رێڤەبەرێ ناحیا دێرهلۆكێ و سەرۆکی لژنا بازاری ل دێرەلۆکی و بۆ خانی نیوز دیار کر، کو ئەڤ کەرەستەیە بەری نوکە دەست ب سەر دا ھاتبوو گرتن كو نزیکی چار تەنێن کەرەستەیان بوون.
ناڤھاتی گۆت ژی: ئەڤ کەرەستە ل ناڤ بازارێ دێرەلۆکێ و گوند و کۆمەلگەھێن دەوروبەران ھاتبوونە گرتن و ھندەک ژی ب سوپاسی ڤە ژلایێ خودانێن وانڤە رادەستی لژنێ ھاتبوونە کرن .
و ئاشکرا کر ژی، بەری نوکە کەرەستەیێن ئێکسپایر ب سوتنێ دھاتنە ژناڤبرن، لێ ژ بەر پیسوونا ژینگەھێ و پەقینا بوتلێن شیشەی ئەڤێ جارێ ھاتن بن ئاخکرن.
ھەژی گۆتنێ یە ئەو کەرەستەیێن ئێسکپایر پێک دھاتن ژ کەرەستەیێن خارنێ و جوانکاریێ و یێن ھشک و روون.
خانی نیوز، مەحموود نھێلی
