ئومێد خۆشناو، بەربژێر بۆ پۆستێ پارێزگارێ ھەولێرێ رادگەھینیت، ئەڤرۆ وەزیرێ نافخۆ دێ رێکارێن بوونا پارێزگەھی دیاردکەت، ئاماژە ب وێ ژی کر کو د رۆژانێن داھاتی دێ دەست ب جێبەجێکرنا رێکاران ھێتە کرن.
د کۆنگرەکێ رۆژنامەڤانی دا ئومێد خۆشناو بەربژێر بۆ پوستێ پارێزگارێ ھەڤلێرێ راگەھاند، وەک بەربژێر د کۆمبوونا جڤاتا پارێزگەھا ھەڤلێرێ دێ دەنگ ل سەر کاندید بوونا وی ھێتە دان، پشتی ھینگێ ل دەمێ دەنگ پێ دھێتە دان، دێ ئەو بریار ئاراستەیا وەزارەتا ناڤخۆ کەن، و پاشی وەزارەتا ناڤخۆ دێ ئارستەی سەرۆکێ جڤاتا وەزیران ھێتە کرن، ل وی دەمی رۆژەکێ دێ دیار کەن بۆ مەراسیما ھەرێمی و سووند خوارنێ.
ئومێد خۆشناو ھەتا نوکە سەرۆکێ فراکسیۆنا پارتییە ل پەرلەمانێ کوردستانێ، سەبارەت ب جێگرەک ژ بۆ پۆستی یێ پەرلەمانی دبێژیت: مە چ ئاریشە نابن ژبۆ دانانا سەرۆکێ فراکسیۆنێ، ئۆرگانێن دی دێ ل گەل ئەندامێن فراکسیۆنێ کۆمبن و دێ دانوستاندنان دەربارەی وێ چەندێ کەن، بزاڤێن وان ئەون کو بەری دانانا پۆستێ پارێزگاری سەرۆکێ فراکسیوونێ بھێتە ئیکلا کرن.
راگەھاند ژی، ھەتا نوکە کەس وەک سەرۆکێ فراکسیونێ نەھاتییە دیارکرن، بەلێ ھەموو ئەندامێن فراکسیۆنێ شیانێن زێدەتر ھەنە و دشێن ببنە سەرۆکێ فراکسیۆنێ.
دەربارەیی پلانێ بۆ کارکرن وەک پارێزگاری داھاتیێ ھەڤلێرێ ئومێد خۆشناو ئاماژە کرییە: ب پشتراستی دێ ب پلان کار کەین، نوکە ئه‌و نزانیت دێ چ کەن، بەلێ ئەوێ ئه‌و دزانیت چ تشتا ناکەن کو ببیتە ئەگەرێ نە پشت راستییا خەلکی.
