جڤاتا نونهرێن ئەمریكا بەرى دادگههكرنا سەرۆكێ بهرێ یێ ئهمریكا ب تومهتا روودانێن هێرشكرنێ ل سەر كۆنگرێسى پوختەیەك پێشكێشكر و تێدا تۆمەتا ناپاكیێ دانا ل پال ترهمپى.
ئەندامێن پەیوەندیدارێن كەیسا دادگههكرنا ترەمپ ل جڤاتا نونهرێن ئهمریكا، ئهو دوسهیه ئاشكراكر و بریاره دادگهها وى د ماوێ حهفتیهكێدا دهست پێبكهت.
ل دووڤ دهنگ و باسێن دهزگههێن راگههاندنێ ل پوختا دوسهیێدا كۆنگرێسێ ترهمپ ب ناپاك تۆمهتبار كریه ژ بكارئینانا پۆستێ خۆ وهك سهرۆكێ ئهمریكا، چونكى ههولا خۆنیشاندانهكا توندرهو بۆ هێرشكرنێ ل سهر كۆنگرێسى ئهمریكا دایه، د وى دهمی دا كۆنگرێس مژیلى كۆمبوونێ بوو ل سهر جێبهجێكرنا سهركهفتیێ ههلبژارتنێن سهرۆكاتییا ئهمریكا.
ئەندامێن جڤاتا نونهرێن ئەمریكا، ترەمپ ب هندێ تومهتباركریه ژیانا ئهندامێن كونگرێسى ئهمریكا و ئاسایشا نهتهوهیى ئێختسیه مهترسیێ دا ،ب بۆچوونا وان ئهوا ترهمپ ئهنجام دایى، بهسه ژبۆ هندێ جارهكادى رێكێ نهدهن ئهڤ كهسه د داهاتى دا چ پۆستان وهرگریت.
