ئێکەم جارە پشکنین دەرکەتینە، دو کەس د ئێک وەخت دا ل وەلاتێ بەرازیل ھەلگرێ ھەردو جورێن ڤایرۆسێ کۆرۆنایێ بووینە.
ڤەکۆلینەکا زانکۆیا “فیفیل” ل ویلایەتا “گراندی دو سۆل” ل باشورێ بەرازیل ئاشکەراکر، دووماھیک ڤەکۆلین ل سەر ٩٠ نەخۆشێن ھەلگرێ ڤایرۆسێ کۆرۆنا دەرکەتییە، نەخۆشەک تووشی ھەردوو جۆرێن کۆرۆنایێ بوویە ل دوو ویلایەتێن جودا، بەلێ نەخۆشێ دووێ ھەر ل باژێرێ خۆ دا تووشی ھەردوو ڤایرۆسا بوویە.
نیشانێن ڤایرۆسی ل ھەردوو نەخۆشا د سڤکن، نەخۆشێ ئێکێ ب سڤکی تووشی زکچوونێ بوویە، نەخۆشی دووێ ژی تووشی زکچوون و ئنتیھاب و سەرئێشێ بوویە، بەلێ حالەتێن وان ب وی شێوەی نینن کو ل نەخۆشخانێ بمینن.
بەرازیل رووبرووی شەپۆلا دووێ یا کۆرۆنایێ بوویە، رۆژانە زێدەتر ژ ھزار تووشبوویێن کۆرۆنایێ گیان ژ دەست ددەن و ژ دەستپێکێ ھەتا نوکە ٩ ملیۆن کەس تووشی ڤایرۆسی بووینە و ٢٢٥ ھزار کەس ژی ب وێ نەخۆشیێ مرینە.
