وەزارەتا پێشمەرگەی حکوومەتا ھەرێما کوردستانێ، دەربارەی دەنگۆیێ لڤینا ھێزێن پێشمەرگەی ل دەڤەرێن مەخموور و قەرەچووغ، راگەھاندنەک بەلاڤکرییە و دووپاتکرییە کو چ لڤینێن نەئاسایی بەرامبەری ھێزێن ئیراقێ نەھاتینە کرن.
ئەڤرۆ چوارشەمبی ٣-٢-٢٠٢١ێ وەزارەتا پێشمەرگە یا حکوومەتا ھەرێما کوردستانێ، دەربارەی دەنگۆیێ لڤینا ھێزێن پێشمەرگەی ل دەڤەرێن مەخموور و قەرەچووغ، چ لڤینێن نەئاسایی بەرامبەری ھێزێن ئیراقێ نەھاتینە کرن ئەوا روودایی ژی ب ئەگەرێ ھندێ بوو کو ماوەیەکە گەفێن تیرۆرستێن داعشێ ل دەڤەرێن چیایێ قەرەچووغ و مەخموور زێدەبوونە و زانیاریێن ھەوالگیری ئەوێ چەندێ دووپاتدکەن کو داعشێ دڤێت کریارێن تیرۆرستی ل دەڤەرێ ئەنجام بدەت.
د پشکەکا راگەھاندنێ دا ئاماژە ب ھندێ دایە کو ژبەر مەترسیا لڤینێن تیرۆرستان ل دەڤەرێ پشکەک ژ یەکەیێن سەربازیێن ھێزێن پێشمەرگەی ل دەڤەرێن قەرەچووغ و باکوورێ مەخموورێ ئێخستینە د حالەتێ ئامادەباشیێ دا و مەرەم ژی پێ ئەوە کو ھێزێن پێشمەرگەی رێگربن ژ کریارێن تیرۆرستی و پاراستنا سەقامگیری و ئاسایشا دەڤەرێ.
وەزارەتا پێشمەرگەی ئاشکرا ژی کرییە کو بەری نوکە ژی وان ھوشداری دابوون ژ مەترسیێن تیرۆرستان ل دەڤەرێ کو ڤالاھییا ئەمنی د ناڤبەرا ھێزێن پێشمەرگەی و سوپایێ ئیراقێ دا ھەیە، ژبەر ھندێ ئەو بەردەوام داخوازا ھەماھەنگییا ھەڤپشک یا سەربازی بۆ تێکشکاندنا تیرۆرستان دکەن.
