ئه‌ندامه‌كێ فراكسیۆنا پارتی ل جڤاتا نوونه‌رێن ئیراقێ كو پشكداری كۆمبوونان بوو بۆ خانی نیوز دیاركر، به‌غدا هه‌موو په‌ترۆلا كوردستانێ دڤێت و ئه‌و ژی یا مستحیله.
دكتۆر دیار ته‌یب، ئه‌ندامێ جڤاتا نوونه‌رێن ئیراقێ سه‌ر ب فۆاكسیۆنا پارتی بۆ خانی نیوز گۆت: شاندێ هه‌رێما كوردستانێ 13 كۆمبوونێن چر كرن و به‌حس ل سه‌ر هه‌موو خالێن ده‌ستووری و قانوونی كرن، لێ ئالیێ به‌رامبه‌ر ب تایبه‌تی هنده‌ك ئالیێن شیعی ل گه‌ل ئه‌وان خالێن ده‌ستووری نه‌بوون یێن كو بۆ هه‌رێما كوردستانێ هاتینه دانان د ده‌ستوورێ هه‌رده‌می یێ ئیراقێ دا و ئه‌و داخاز دكه‌ن هه‌موو دۆسه‌یا په‌ترۆلا كوردستانێ راده‌ستی به‌غدا بكه‌ن.
دیار ته‌یب ئاماژه كر ژی، وه‌كو لایه‌نێ حكومی نه‌رمییه‌كا باش هه‌یه لێ وه‌كو وان دیاركری هنده‌ك ئالی بێی كو به‌دیله‌كێ قانوونی بده‌نه ئالیێ كوردستانێ هه‌ر هه‌موو پێشنیارێن كوردستانێ ره‌تكرینه.
گۆت ژی: ئه‌و پێشبینییا وێ چه‌ندێ دكه‌ن د روونشتنا ده‌نگدانێ دا ل سه‌ر بوودجه‌ی یا گرێدای خالا هه‌رێما كوردستانێ تێكدانێ د هۆلا په‌رله‌مانی دا دروستبكه‌ن.
بڕیاره ئه‌ڤرۆ شاندێ هه‌رێمێ ب سه‌رۆكاتییا قوباد تاله‌بانی ڤه‌گه‌رته كوردستانێ و ب چڕی ل گه‌ل سه‌رۆكاتییا حكومه‌تێ خالێن هاتینه به‌حس كرن دیاربكه‌ن و د چه‌ند رۆژێن داهاتی دا دوباره دێ ڤه‌گه‌ڕیته به‌غدا بۆ كۆمبوونان د گه‌ل ئالیێن سیاسی یێن ئیراقی.
