رێڤەبەرێ کار ل پارێزگەھا دھۆکێ راگەھاند؛ ل سالا بووری وان دەلیڤێن کاری بۆ ٢٢٠ کەسان دیتینە.
عبدالکەریم شیخ حەمادە، بۆ خانی نیوز راگەھاند؛ ل سالا بووری وان دەلیڤێن کاری بۆ ٢٢٠ کەسان دیتینە، ٦٠ کەس بووینە خودان کار و ١٠٧ کەسان ژی حەز نەکرینە وی جۆرێ کاری بکەن یان ژی ب مووچەی رازی نەبووینە و کار رەتکرینە ، لێ ئەو کارێن ھاتینە رەتکرن ب ھندەک کەسێن دی ھاتینە دان و بووینە خودان کار و خوە ل رێڤەبەرییا وان تۆمارکرینە، ب ڤێ یەکێ ژی ھژمارا وان کەسێن بووینە خۆدان کار ل سالا بووری و ل دەف وان ھاتینە تۆمارکرن گەھشتینە ٢٢٠ کەسان.
رێڤەبەرێ کار گۆت ژی: د نھا دا چالاکیێن وان بۆ دیتنا دەلیڤێن کاری بۆ کرێکارێن ناڤخۆ دبەردەوامن و رۆژانە تیمێن وان سەرەدانا کۆمپانییان دکەن، ھەروەسا وان ھەماھەنگی ژی دگەل رێکخستنا ئای ئێل ئۆ یا ناڤدەولەتی ھەیە و ھژمارەکا پرۆژەیان دێ دگەل ھندەک رێڤەبەریێن وەک رێڤەبەرییا ئاڤێ و کارگەھێن پاقژکرنێ و کارگەھا کاشێ بۆ پەیداکرنا دەلیڤێن زێدەتر بۆ گەنجان.
